காந்தியும் சாப்ளினும்

1931-ம் வருஷம் செப்டெம்பர் 22-ம் தேதி டாக்டர் கட்டியால் என்ற நண்பரோட வீட்ல காந்தி சாப்ளின் ரெண்டுபேரும் சந்திச்சுகிட்டாங்கலாம்.அப்போ எடுத்த புகைப்படம் இது.

டீட்டிகாகா ஏரி

தென் அமெரிக்காவின் பெரு மற்றும் பொலிவியா நாட்டோட எல்லைல டீட்டிகாகா-ங்கற அழகான பிரமாண்டமான ஏரி இருக்காம்.தென் அமெரிக்கால இருக்குற முக்கியமான ஏரிகள்ல இதுவும் ஒன்னாம்.இதுல 27 ஆறுகள் வந்து கலக்குதாம்.

கடல் மட்டத்துல இருந்து 3812 மீட்டர் உயரத்துல இந்த ஏரி இருக்குறதால பாக்க ரொம்ப ரொம்ப அழகா இருக்குமாம்.இந்த மலையை சுத்தி ஏராளமான பழங்குடியினர் வசிக்குறாங்கலாம் .இவங்க தங்கள எதிரிகிட்ட இருந்து எப்படி காப்பாதிக்குறாங்கலாம் தெரியுமா ?

இந்த ஏரிகளை சுத்தி இருக்குற இடத்துல அடர்ந்து வளரும் நாணல் செடிகள் தான் இவங்களுக்கு தற்காப்பு கவசமா இருக்காம்.

இந்த நாணல்கள வெட்டி உலர வச்சு பக்குவபடுத்தி அழகான குடில்கள செய்ராங்கலாம் .ஒவ்வொரு பத்து குடிலுக்கு கீழையும் நாணல்களாலே கட்டு மரம் மாதிரி ஒரு அமைப்பை செஞ்சு ஏரிகளில் மிதக்க விட்ராங்கலாம் .தூரத்துல இருந்து பாக்குறப்போ ஏரிக்குள்ள அழகான குட்டி தீவு இருக்குற மாதிரி ஒரு அமைப்பு இருக்குமாம்.எதிரிங்க வந்துட்டா படகை எப்படி துடுப்பு மூலமா இயக்குறோம் அதே போல இந்த குடிலையும் இயக்கி அங்க இருந்து தப்பிச்சிடுவாங்கலாம் .

ஆரம்ப காலத்துல வெறும் நாணலை மட்டும் பயன் படுத்தின இவங்க இப்போ தெர்மாகோல் மாதிரி மத்த பொருளை எல்லாம் பயன்படுதுறாங்கலாம்.

நாணல் புதருல இருந்து அயோடின் தயாரிச்சு அத விக்குறாங்கலாம்.இதுல இருக்குற பூக்கள பக்குவபடுத்தி பானங்கள் தயாரிக்குறாங்கலாம் ,மருந்து பொருளாவும் இத பயன் படுத்துறாங்கலாம்.

சமீபகாலமா இங்க சூரிய சத்தியில் மின்சாரம் தயாரிக்குற தகடுகளை பாக்க முடியுதாம் .இதன் மூலமா இவங்க டி.வி ,ரேடியோ,விளக்கு போன்ற நவீன வசதிகளையும் பயன்படுதுறாங்கனு சொல்றாங்க.

நாங்களும் பல மொழில பேசுவோம்ல ..!!!!

புதுசா ஒரு மொழியை கத்துக்கணும்னு ஆசை இருக்குதா உங்களுக்கு, புரனவுன்சியேட்டர் என்ற இணையதளம் இந்த அற்புதமான வசதியை வழங்குகதாம் . நாம  எந்த மொழியைப்கத்துக்க ஆசப்படுறோமோ  அந்த மொழியை, நம் தாய்மொழியிலிருந்தேகதுக்கலாமாம்.

www.pronunciator.com என்ற இத்தளத்திற்குச் சென்று I speak என்பதில்நாம எந்த மொழியை பேசுறவங்க  அல்லது எந்த மொழியில் இருந்து கத்துக்க விரும்புறோமோ  அந்த மொழியை தேர்ந்தெடுக்கணும்.அடுத்து இருக்கும் I want to learn கட்டத்திற்குள் ஆங்கிலம், பிரெஞ்ச், ஜெர்மன், ஹீப்ரு, ஸ்பானிஷ் என 60க்கும் மேற்பட்ட உலக மொழிகள், நம் நாட்டு மொழிகள் இருக்கும். எந்த மொழி  கத்துக்க விரும்புறோமோ அதைத் தேர்ந்தெடுக்கணும். சொற்கள் தொகுப்பு, முக்கிய வினைச்சொற்கள், எளிய சொற்றொடர்கள், சுற்றுலா பயணிகளுக்கான சொற்றொடர்கள், உரையாடல்கள் என 5 பகுதிகள் கொடுக்கப்பட்டிருக்கும். ஒவ்வொரு பகுதியிலும் 1,000க்கும் மேற்பட்ட பயிற்சிகளும், பாடங்களும் கொடுக்கப்பட்டுள்ளன. ஒவ்வொரு பாடத்தையும் அது வார்த்தைக்கு வார்த்தை அழகாக சொல்லிக் கொடுக்குது. சொல்லித்தர வார்த்தைகள் தேர்வு செய்த மொழியிலும், ஆங்கிலத்திலும் வரும்.

உதாரணமாக, நீங்கள் தமிழ் மொழியிலிருந்து, பிரெஞ்ச் மொழி கத்துக்குறீங்கனா ,

Bonjour  (வணக்கம்)

Excusez - moi  (என்னை மன்னியுங்கள்)

Silvous plait  (தயவு செய்து)என வரும்.


கூடவே கார்ட்டூன் படமும் நமக்கு செய்கை மூலம் வார்த்தைகள் மற்றும் வாக்கியங்களை அழகாக விளக்கிக் காட்டுகிறது. அதனால், புரிந்துகொள்ளுதல் ரொம்ப ஈசி . 

 -நன்றி வார இதழ் 

கூகிள் -ல் சில products பாத்தேன்.இத  உங்ககிட்ட introduce அப்படியே பண்ணாம ஒரு சின்ன சசீன் மாதிரி சொன்னா எப்படி இருக்கும்னு ஒரு கற்பனை

போரில் வல்லவரோ இல்லையோ பெண்களை அள்ளிக்கொண்டு வருவதில் வல்லவரான 26-ம் எலி கேசி ,இந்த முறை தான் அ(த)ள்ளி வந்த அண்டை நாட்டு அரசி,இளவரசிகளை எப்படி தன்  வசம் மயங்க வைக்கலாம் என தன் அமைச்சர் இடம் கேட்டதும் அதற்க்கு

அமைச்சர் : மன்னா பெண்களுக்கு எப்பவும் பிடித்த தங்கத்தால் செய்த பதக்கங்களை பரிசாக தந்தால் பதக்கம் எவ்வாறு அவர்கள் மனதிற்கு நெருக்கமாக உள்ளதோ அதே போல் தாங்களும் அவர்களுக்கு நெருக்கமாக இருப்பீர்கள் ..

மன்னர் : அப்படியா சொல்கிறீர் ...ஆனால் ..ம்......(ஆழ்ந்த சிந்தனையில் மன்னர்)

அமைச்சர் : கவலை வேண்டாம் மன்னா பட்ஜெட் விலையில் கஜானாவை காலி செய்யாத அளவிற்கே வாங்கலாம் மன்னா 

மன்னர் : க.க.க.போ ..

பாராட்டை பெற்ற உற்சாகத்தில் அமைச்சர் மன்னனிடம் எந்த எந்த பதக்கத்தை எந்த அரசி/இளவரசிக்கு வழங்கலாம் என கூறுகிறார்..

ஓவர் டூ அமைச்சர் ......

அமைச்சர் : பூ போன்ற மென்மையான மனதுள்ளவராம் நாம் அள்ளி வந்த ...

மன்னர்       : ம்.....என்ன ......?!!!?

அமைச்சர் : ஸாரி மன்னா ...தாங்கள் அள்ளிவந்த தென்னாட்டு அரசியாம்..அவர்களுக்கு இந்த இலையுடன் கூடிய பூ பதக்கத்தை பரிசாக தரலாம்..

மன்னா தாங்கள்  தூக்கிவந்த அண்டைநாட்டு இளவரசி 'அல்லி மயிலும்  அழகான மயிலும்'

வளர்த்து வந்தார்களாம்.அப்பா அம்மாவை பிரிந்ததை விட அவைகளை பிரிந்த துயரத்தில் தான் அதிகமாம் .அவர்களுக்கு இந்த மயில் பதக்கத்தை தந்து துயரம் தீர்க்கலாம்.

அமைச்சர்  : மன்னா மேலை நாட்டு அரசியை அழைத்து வந்தீரே ..

மன்னர்        : நான் எங்கேயடா அழைத்துவந்தேன் ..அவள் தானடா  என்னை இழுத்துவந்தாள் ..

அமைச்சர்   : சரி ..ஏதோ ஒன்று ..அவர்களுக்கு பாலே நடனம் என்றால் மிகவும் பிடிக்குமாம் .அவர்களுக்கு இந்த பாலே நடன வடிவ மங்கையை பரிசாக தரலாம் ..பொருத்தமாக இருக்கும்..

அமைச்சர்  : மற்றொரு மேலை நாட்டு அரசியை அழைத்து வந்தீரே..அவர் எப்போதும் லேப்டாப் -ம் கையுமாக சாட்டில் தான் இருக்கிறாராம்.அவருக்கு இந்த விண்டோஸ் வடிவ பதக்கத்தை பரிசாக தந்து ஃப்ரண்ட் ரிக்வஸ்ட் குடுக்கலாம்..

வடநாட்டில் இருந்து அழைத்து வந்தீரே அந்த அரசியிடம் 'உன் மனதை பெரிய பூட்டால் பூட்டி வைத்திருக்கிறாய் ..அதை உடைக்க மனமில்லை ..அதற்காகத்தான் இந்த சாவி என்று இந்த சாவி வடிவ பதக்கத்தை பரிசளியுங்கள் ..

மன்னர்        : அருமை ..அருமை அமைச்சரே...அசத்துகிறீர்..ஆமாம்ம்ம்ம்ம்ம்ம்ம்ம்ம் ..

                            என்னை விட அதிகமாக அவர்களை பற்றி தெரிந்து                          வைத்துள்ளீரே ..யாரங்கே ....

அமைச்சர்  : மன்னா..நான் பிள்ளைகுட்டி காரன்...

தமிழக ரயில்வே

சமீபத்துல புவனேஸ்வர் ரயில் நிலையத்துல பிளாட்பாரம்ல துப்புறவங்களுக்கு 100 ரூபாய் அபராதம் போடப்பட்டதாம்.புவனேஸ்வர்ல 'ஏ' நகரம் ,'பி' நகரம் ,'சி ' நகரம்னு அந்த நகரப் பிரிவுக்கு தகுந்தாப்ல 100,50,30 ரூபாய்னு அபராதம் போடப்படுதாம்.

இதுமாதிரி தமிழகத்துல ரயில்வே மட்டும் இல்ல , பொது இடங்கள்ல எங்க துப்பினாலும் ஃபைன்  போடலாம்.அப்படியாவது நம்ம ஜனங்க இடத்த சுத்தமா வச்சுப்பாங்கலானு பாப்போம்.

ஒரு சோஷியல் நெட்வொர்கில் பார்த்து ரசித்தது ..

                  

பாரதியாரின் கையெழுத்து

பாரதியார் பத்திரிக்கையாளராகவும் இருந்தாருன்னு நமக்கு தெரியும் ,ஆனா அவர் செய்திகளை மொழிபெயர்க்கவும் ,கட்டுரைகள்ல பயன்படுத்தவும் சில ஆங்கில சொல்லுக்கு தாமே கலைச் சொற்களை உருவாக்கிக்கிட்டார் தெரியுமா ?அதை எல்லாம் ஆங்கில எழுத்துக்களோட அகர வரிசைல (alphabetical  order )தொகுத்து ஒரு நோட் புத்தகத்துல எழுதி வச்சாராம்.அந்த நோட்டு புத்தகம் புதுச்சேரில இருக்குற அவரோட நினைவு இல்லத்துல இருக்காம் .இப்போ அந்த நினைவு இல்லம் மூடப்பட்டதால பாரதிதாசன் நினைவு இல்லத்துல  இருக்காம்.